Аубекеров Нариман Аубекерович

Факультет: көлік-жол

Ғылыми дәрежесі: техникалық ғылыми кандидаты

Ғылыми атағы: доцент

Лауазымы: КТ және ЛЖ кафедрасының доценті, профессоры

Өмірбаяны: Әубәкіров Нариман Әубәкірұлы 29.12.1938 ж. Батыс қазақстан облысы Қазақ Таловка ауданының Орыс Таловка ауылында дүниеге келген.

Әкесі – Әйнекенов Әубәкір Ұлы Отан соғысына дейін ауылдық бастауыш мектептің мұғалімі, директоры болып қызмет атқарған. 1942 жылы сталинградтық шайқаста қаза тапты. Анасы – Айнекенова Ханипа, зейнеткер, от басының жұмысын істеп 1989 ж. қайтыс болды.

Әубәкіров Н. Ә. 1955 ж. батыс қазақстан облысы Қазақ Таловка аудан орталығындағы Алма Уразбаева атындағы орта мектепті бітіреді. 1960 жылы қазақ мемлекеттік ауыл-шаруашылық  институтын бітіріп инженер-механик мамандығын игереді. 1960-64 жылдары осы институттың «Автомобильдер-тракторлар» кафедрасының мұғалімі.

1964 жылы мәскеу автомобиль-жол институтының «Автомобильдер» кафедрасында күндізгі аспирантураға түсіп, 1967 жылы тамамдайды. 1970 жылы «Қозғалтқышты турбоүрмелеу арқылы жетілдірудің жетекші дөңгелек білігінің беріктігі мен ілінісу муфтасының тозуына әсерін салыстырмалы бағалау әдістері» тақырыбы бойынша диссертация қорғап техникалық ғылымдардың кандидаты деген ғылыми дәрежеге ие болды.

1967 жылы аспиратураны тамамдағаннан кейін қарағанды политехникалық институтына жолдамамен жұмысқа келеді. Институттың автомобиль көлігі кафедрасында ассистент, аға оқытушы, доцент, кафедра меңгерушісі (1976 … 1987 ж.ж.), доцент болып 1993 ж. дейін істейді. 1993 жылдың наурыз айында конкурс нәтижесіне байланысты Алматы автомобиль-жол институтының (1996 жылдан Қазақ көлік және коммуникациялар академиясы) профессоры болып қабылданады. 1993 жылдың қазан айында «Автомобильдерді жасау және техникалық пайдалану» кафедрасын ұйымдастырып, 2002 жылдың қазан айына дейін кафедра меңгерушісі қызметін атқарды. Кафедра жан-жақты даму жолында болып, аз уақыттың ішінде қалыптасқан белді кафедралардың қатарына қосылды. 1997ж. академияның ғылыми кеңесінің шешімімен Н.Ә.Әубәкіровке көлік мамандығы бойынша академияның профессоры деген академиялық ғылыми атағы берілді.

2002 ж. қыркүйектен бері ҚарМТУдың автомобиль көлігі кафедрасының профессоры қызметін атқарады.

Профессор Әубәкіров Н.Ә. 280140-Автомобиль-трактор жасау, 280440-Іштен жанатын қозғалтқыштар, 280540-Автомобильдер және автомобильдер шаруашылығы мамандықтарына арналған республикамызда алғашқы (1995 және 2001 жылдардағы) жоғары арнайы білім стандарттарының авторы және авторлар ұжымының жетекшісі болды. Автомобиль саласындағы әртүрлі жоғары білімді мамандарын даярлауға арналған арнайы 4 пәннің типтік оқу бағдарламаларының авторы және авторлар ұжымының жетекшісі. 1996 … 2002 жылдары «Автомобиль-трактор жасау» мамандығы бойынша білім министірлігінің ғылыми-әдістемелік кеңесінің төрағасы.

Әубәкіров Н.Ә. жетекшілігімен орындалған ғылыми-зерттеу жұмыстар нәтижелері бойынша 5 кандидаттық диссертация қорғалды.

Ғылыми жұмыстарының негізгі бағыты – автомобильдердің эксплуатациялық сенімділігін қамсыздандырудың ғылыми- техникалық негідері.

Оқу процесіне 90-нан астам оқу-әдістеме жұмыстары енгізілген, 142 ғылыми еңбектер авторы. Бұлардың ішінде 8 оқу құралы, 3 жоғары арнайы білім стандарттары мен 4 пәннің типтік оқу бағдарламалары,

4 электрондық оқулық, 2 авторлық куәлік т.б.

ССРО жоғары білім министрлігінің «Еңбектегі үздік табыстары үшін» белгісімен, республикамыздың жоғары білім министрлігінің құрмет грамотасымен; екі рет көлік және коммуникациялар министрінің алғыс хаттарымен; қарағанды облысы, қаласы, политехникалық институт,университеттің бірнеше құрмет грамоталарымен, сыйлықтарымен марапатталды. 1976 … 78 жылдары Әубәкіров Н.Ә. басшылығымен ҚарПТИ автокөлік кафедрасының ұжымы үлгілі оқу-ғылыми зертханалық базасын ұйымдастырып, іске қосты.

Жұмыс телефон: 56-39-32

Ішкі телефон: 2049

Электронды поштаның адресі: naubekerov@bk.ru

Ғылыми еңбектері